يا طول الصبر
^^^^^^^^^
يا طول الصبر
مش ذنبك
و لا كان الهوى الجاني
أنا مكتوب لي
أسهر لك
يا طول ليلي و طول بالي
موعود قلبي بنار حبك
و أكون مكوي بحرماني
و أقول كلمة و مش مني
و أخبي كلمة و عجباني
لا كان الهوى في يوم ذنبي
و لا همي و أحزني
شباك الحب اللي ضمتني
و سهم الهوى اللي رماني
الصبر زاد و فاض مني
مع أني
أنا العاشق
أنا اللي الشوق خد مني
و قلبني على جمره
على دمعي اللي مش باين
علي حظي اللي كان خاين
صدقني
منك مانيش زعلان
لكن تعبان ما بنكرشي
أنا همشي و أبيع أحزان
و أبيع الحظ اللي كان خاين
أصل انا بسبع تروح
بكون مرتاح و أنا هايم
أنا الملاح
اللي متلفلف في مهب الريح
أنا هنكر خلاص منك
من اليوم دا
ما فيش تلميح
ما فيش توضيح
هخفي كل اللي بيهمك
جراحي و هى بتألمني
و آهاتي و هى بتضمك
مش هشكي أوجاعي
ما فيش داعي
هيكون السهم صاب قلبي
و أقول لك لاء في دراعي
^^^^^^^^^^^^^^
بقلم / رمضان العلالقة
الرئيسية